ખરાબ શાસક અને ખરાબ શાસન

*જ્યારે આપણને દેખાતું હોય કે કોઈપણ શાસક જૂઠ, ફિત્ના-ફસાદ દ્વારા ખૂબ જ ખરાબ શાસન કરી રહ્યો છે, અને આપણને ખબર પડે છે તો શાસકને બદલાવવાની કોશિશ કરવી જોઈએ.*
*આપણે પોતે આગળ વધવું જોઈએ શાસન તરફ અથવા યોગ્ય રીતે શાસન કરી શકે તેવા વ્યક્તિ તરફ. અને જો આપણે પોતે સારું શાસન કરવા તરફ આગળ ના આવીએ અથવા સારું શાસન કરી શકે તેવા માણસને સાથ પણ ના આપીએ તો પછી ખરાબ શાસકને બૂરું ભલું કહેવાનો પણ આપણને કોઈ જ અધિકાર નથી...*

જાહિલ શબ્દનો અર્થ

جاہِل

'જાહિલ' મૂળ અરબી શબ્દ છે.

જેનો અર્થ નીચે મુજબ થાય છે.

૧) જે ભણેલો ગણેલો ના હોય અથવા

૨) ઇલ્મ વગરનો હોય અથવા 

૩) નિરક્ષર અથવા

૪) અજ્ઞાની અથવા

૫) કોઈ વસ્તુની જાણ વગરનો હોય અથવા

૬) લક્ષણોની દ્રષ્ટિએ નાદાન હોય અથવા

૭) બેવકૂફ હોય અથવા

૮) મૂર્ખ અથવા

૯) સમજ વગરનો અથવા

૧૦) અસભ્ય અથવા અદબ વગરનો અથવા

૧૧) બદમિજાજ હોય અથવા

૧૨) સુફીઓનો ભાષામાં જુઠ્ઠો વિદ્યાર્થી અથવા વાત ન માનનારો મુરીદ

ઇર્ષાળુ અને તેની પ્રગતિ

ઇર્ષાળુ માણસ ક્યારેય પણ પોતાના જીવનમાં પ્રગતિ કરી શકતો નથી. તે એટલા માટે કે આવો માણસ હંમેશાં બીજા લોકોની વાતો કરવામાં મશગૂલ રહેતો હોય છે અને પોતાની પ્રગતિ પર બિલકુલ ધ્યાન આપી શકતો નથી...

હું પણું

હું પણું ઇન્સાનિયતને બરબાદ કરી દે છે...

ન્યાય / ઇન્સાફ

જ્યાં ઇન્સાફ કાયમ થાય છે ત્યાં વ્યવસ્થા પણ જળવાઈ રહે છે અને અખ્લાક પણ.

આપણી નાનકડી ભૂલનું પરિણામ

જીવનમાં અમુકવાર આપણી એક નાનકડી ભૂલના કારણે સામેવાળાનું ઘણું બધું આયોજન હલી જતું હોય છે અથવા નુકસાન થતું હોય છે.આપણે આપણું આત્મ નિરીક્ષણ હંમેશાં કરતા રહેવું જોઇએ. ક્યાંક આપણાથી થતી નાની નાની ભૂલોના કારણે સામેવાળી વ્યક્તિનું મોટું નુકસાન તો નથી થઈ રહ્યું ને?

પુરૂષની તાકાત : પરિવાર

પુરૂષ દુનિયાની કોઇપણ જાતની મુશ્કેલી કે મુસીબત આવે તેનો સામનો કરવાની તાકાત ધરાવતો હોય છે. પરંતુ જ્યારે ઘરના પરિવાર તરફથી નાનામાં નાની મુસીબત કે મુશ્કેલી આવે તો પુરૂષ તૂટી જતો હોય છે. તેનામાં ઘરની મુસીબતનો સામનો કરવાની તાકાત રહેતી નથી. જ્યારે ઘરમાં કે પરિવારમાં રહેલી સ્ત્રીઓ પુરૂષોને સાચવશે તો દુનિયાની તમામ મુસીબત કે મુશ્કેલીઓમાં એ પુરૂષ પરિવારને આસાનીથી બચાવી શકશે. અને જો પરિવારનો સાથ પુરૂષને ના મળે તો તે પુરૂષ ઘરમાં કે દુનિયામાં કશું જ કરી શકતો નથી. તે તેની તમામ પ્રકારની વિચારવાની શક્તિ, શારીરિક શક્તિ, અક્લની શક્તિ ખોઈ બેસશે. જે આખા પરિવાર માટે નુકસાનકારક બની જશે.

ન્યાય અને એકતા

ન્યાય અને એકતા એકબીજાની સાથે સંકળાયેલ છે.

જ્યાં ન્યાય હશે ત્યાં એકતા હશે, અને જ્યાં એકતા હશે ત્યાં ન્યાય હશે.

એકતાની તાકાત

*એકતાની તાકાત*

સાવરણીની સળીઓ ભેગી થાય તો ઘરનો કચરો કાઢે અને છૂટી થઈ જાયને તો પોતે કચરો બની જાય.

(કુટુંબ- સમાજનું પણ કંઇક આવું જ છે.)

સફળ કે અસફળ પુરૂષ

એક સફળ કે અસફળ પુરુષના પાછળ સ્ત્રીનો હાથ અચૂક હોય છે.

માલ અને સત્તાની લાલચનું પરિણામ

માલદોલત અને સત્તાની લાલચ એવી છે કે જે તમને સીધા રસ્તાથી ગુમરાહ કરે છે અને બુદ્ધિને ભ્રષ્ટ કરે છે...